2 yıl 9 aydan soñ komadan çıqtı
Marokkolı futbolçı Abdelxak Nuri matç waqıtında añın yuğaltıp yığılğan ide
Matç waqıtında yörägendä aritmiyä säbäple cirgä yığılğan häm baş miyenä citdi zıyan kilgän futbolçı Abdelxak Nuri 2 yıl 9 aydan soñ komadan çıqtı. Marokko çığışlı sportçı Niderlandnıñ “Ayaks” klubında uynıy ide.
Anıñ qardäşe Abderraxim bolay dip söyli: “Öygä alıp qaytqannan soñ xäle tağın da yaxşırdı. Ğailä yanında buluın añlıy, komada tügel. Tulısınça uyanğan xäldä. Aşıy, töçkerä, yoqlıy. Ämma karavattan tormıy. Tormışı bezgä bäyle xäldä. Qayçaq berär närsägä fikeren belderü öçen qaşları yärdämendä yäisä yılmayıp bezneñ belän aralaşa. Qaywaqıt isä küñele bik neçkärä. Ämma kübräk kölemseri, bu benze söyenderä”.
Nuri Niderland komandası “Ayaks” belän Germaniyäneñ “Verder Bremen”ı arasında 2017nçe yılnıñ 8nçe iyünendä bulğan xäzerlek matçında barıp töşte. Aña stadionda berençe yärdäm kürsätelde, soñınnan boralaq belän xastaxanägä alıp kittelär. 22 yäş’lek Nurinıñ baş miyenä citdi häm tözätep bulmaslıq zıyan kilüe açıqlandı.