Futbol klublarına yuqqa çığu qurqınıçı yanıy

Kübese tamaşaçı, televideniye häm sponsor keremnärennän başqa yäşi almıy

1379425
Futbol klublarına yuqqa çığu qurqınıçı yanıy

Germaniyädä 1nçe häm 2nçe liga futbol matçları koronavirus arqasında 2nçe aprel’gä qadär tuqtatıldı. Bu xaqta Frankfurtta 36 klub qatnaşında uzğan cıyılışta bilgele buldı.

Germaniyä klublar berlege räise Kristian Seyfert beldergänçä, bu qarar 3nçe aprel’dän matçlarnıñ qabat uynalaçağın añlatmıy. Alğa taba niçek xäräkät itäçäklärenä 30nçı marttan soñğı söyläşülärdä qarar biräçäklär.

Seyfert bu sezonda qalğan matçlarnıñ yazmışı turında da fiker alışuların belderde. Ul bik küp klubqa, tamaşaçı, televideniye häm sponsor keremnäre bulmasa, yuqqa çığu qurqınıçı yanawın da yäşermi. Berlek räise moña qarşı küreläçäk çaralar belän bäyle êşçänlekneñ däwam itäçägen, yaqlardan añlaw kötüen äytte.

Ul koronavirusnıñ taraluın çikläwneñ töp mäs’älä buluın citkerde.



Bäyläneşle xäbärlär