Ğosmanlı padişaxınıñ mölknamäse Azärbaycanda tabıldı

Anıñ 1566nçı yılda İstanbulda tözelüe bilgele

Ğosmanlı padişaxınıñ mölknamäse Azärbaycanda tabıldı
kanuni belge.jpg
kanuni belge.jpg

Azärbaycan milli fännär akademiyäseneñ qul’yazmalar institutı arxivında Kanuni soltan Söläyman çorına qarawçı küçemsez milek dokumentı tabıldı. Anda padişaxnıñ tuğrası tora, divani yazu belän ğosmanlı törek telendä Anadolu häm Rumelidä qayber keşelärgä cir birelü turında äytelgän.

Xibänamä yäisä mölknamä bularaq ataluçı dokument qara, altın häm zäñgär buyaw qullanıp 1566nçı yılda İstanbulda xäzerlängän.

İñe 30, ozınlığı 180 santimetr zurlığındağı dokument axırında ul çordağı wäzirlär Pertev paşa häm Färxad paşa belän kadiasker Äxmät äfände häm Xösäyen äfändeneñ imzaları tora.

Qul’yazmalar institutı citäkçese urınbasarı professor Paşa Kärimov dokumentnıñ arxivqa qayçan häm niçek kilüe bilgele bulmawın belderde.  

Törkiyädäge arxivlarda Ğosmanlı däwläteneñ 10nçı padişaxı Kanuni soltan Söläyman çorına qarawçı oxşaş qäğaz’lär barlığı bilgele. Kärimov Azärbaycanda mondıy tarixi tabıldıq çığuına söyenülären citkerä. Anıñ äytüençä, mölknamä Ğosmanlı xoquq tarixı tikşerenüläre nisbätennän ähämiyätle.



Bäyläneşle xäbärlär