Tramp Nobel' bülägen alırğa teli

Ul Nobel' tınıçlıq bülägen alırlıq xaqı buluın uylıy

Tramp Nobel' bülägen alırğa teli

AQŞ ilbaşı Donal’d Tramp Nobel’ tınıçlıq bülägen alırğa xaqı buluın belderde. Ul monı Ogayo ştatınıñ Toledo şähärendä uzğan mitingta tarafdarlarına citkerde. Tramp anda, başlıça, İran belän bulğan kiyerenkelek xaqında söyläde häm süzne 2019nçı yılnıñ Nobel’ tınıçlıq bülägenä kiterde. Ul bu büläkneñ üzenä birelergä tiyeşlegen häm öleşenä kerülären assızıqladı.

“Kileşü tözedem häm ber däwlätne qotqardım. Soñınnan işettem ki, ul däwlätneñ liderı ilen qotqarğan öçen Nobel’ tınıçlıq bülägen alğan,”-dide Tramp.

Bilgele bulğança, Nobel’ büläge kürşe il Êritreya belän suğışnı beterü öçen tırışlıq quyğan Êfiopiyä xökümäte räise Abiy Äxmät Aligä birelde. Ul Afrikadağı iñ yäş’ lider - 43 yäşendä.



Bäyläneşle xäbärlär