Pamukkalädä uzğan yıl rekord quyıldı
Törkiyäneň iň möhim turizm üzäklärennän Pamukkalädä 2019nçı yılda 2 million 580 meň 245 keşe bulıp, kilüçelär sanında rekord quyıldı
Travertinnarı häm şifalı suları belän bergä "Kleopatra basseynı", "Cähännäm qapqası", Xäzräti Ğaysäneň 12 apostollarınnan Ğaziz Filippusnıň kabere kebek şaqtıy tarixi baylığı saqlanğan Dänizlidäge Pamukkalägä kilüçelär sanı här uzğan yıl arta bara.
2000nçe yılda kilüçelär sanı 839 meň 264 bulğan Pamukkaläne 1 yılda ziyarät itkän turist sanı 2019nçı yılda 2 million 580 meň 245kä citte.
Pamukkalägä kilgän cirle häm çit il turistı sanında 2020nçe yılda 3 millionnan kübräk citü maqsatın quyğan turizmçılar häm cirle citäkçelär, bıyıl Dänizli öçen ähämiyätkä basım yasap, 2020nçe yılnı "Dänizli yılı" itep kürülären belderde.
2019nçı yılda bigräk tä Rusiyä, Germaniya häm Angliya belän Yıraq Könçığış illärennän kilüçelär sanında citdi külämdä artış yäşände.
