Dön'yanıñ iñ borınğı ağaçları

Borınğı ağaç qaldıqların Amerikanıñ taşlandıq şaxtalarında taptılar

1326755
Dön'yanıñ iñ borınğı ağaçları

Dön’yadağı iñ borınğı ağaç fosilläre AQŞnıñ N’yu-York şähäre yanında tabıldı. Alarnı Kair bistäsendäge taşlandıq şaxtada oçratalar. Ağaç fosilläreneñ 386 million yıllıq buluı açıqlandı.  

Angliyäneñ Kardiff universitetı, AQŞnıñ Bingemton universitetı häm N’yu-York ştatı müzeye belgeçläre Gudzon üzänlegendä urnaşqan Katskill taw tezmäläreneñ itäklärendä 10 yıl tikşerenülär alıp bara. Alar cirlektäge urmannıñ 3 meñ kvadrat metrlıq öleşeneñ kartasın yasadı. Belgeçlär anda 2 tör borınğı ağaç - kladoksilopsid häm arxeopteriyane bilgeläde. Öçençe ağaç tören älegä taba almadılar.    

Belgeçlär biredä bulğan kiñ urmannıñ Pensil’vaniyä ştatı ar’yağına qadär däwam itkän buluın farazlıy. Tabılğan fosil’lär isä ağaçlarnıñ êvolyuśiyäsen öyränügä yaña êtärgeç biräçäq. Alarnı tapqan şaxtada balıq fosil’läre dä kürenä. Tikşerenüçelär urmannıñ su basu arqasında yuq buluın uylıy.



Bäyläneşle xäbärlär