Şveśiyädä 28 yäş'lek süriyäle şäfqat' tutaşı 2019nçı yıl kaxarmanı buldı

Ul Süriyä öçen yärdäm cıyıp lager'larda yäşäwçe ğailälärgä iltkän

1325980
Şveśiyädä 28 yäş'lek süriyäle şäfqat' tutaşı 2019nçı yıl kaxarmanı buldı
Israa Abdali.jpg
Israa Abdali.jpg

“Sveśiyäneñ dön’ya kaxarmanı” bülägenä Süriyädän çıqqan 28 yäş’lek İsraa Abdali layıq dip tabıldı. Konkursnı Aftonbladet gazetı häm TV3 telekanalı oyıştıra. Abdali Süriyädäge suğış qorbannarına yärdäm itüe öçen iñ küp tawış cıyğan namzät buldı. “Şveśiyäneñ kaxarmannarı -2019” büläkläw tantanası başqala Stokgol’mda säyäsätçe, sänğat’çe häm sportçılar qatnaşında uzdı.

“Şveśiyäneñ dön’yadağı kaxarmanı” nominaśiyäsendä ciñgän İsraa Abdalinı ğomumştab başlığı, general Mikaêl’ Biden häm cıyılma komanda trenerı Yanne Andersson qotladı.

Şäfqat’ tutaşı bulıp êşläwçe Abdali Süriyädäge faciğağa bitaraf qala almıy. Ul gumanitar oyışmalar häm sośial’ media aşa yärdäm cıyıp, anı konteynerlar belän moxtaclarğa iltä. İsraa Abdali Süriyädäge sıyınu lager’larında yäşäwçelärneñ xäle küñel ärnetüçe buluın assızıqlıy.  “Mennärçä ğailä su basular häm klimat şartları belän köräşä. Xäl bezgä bilgele bulğannan küpkä naçarraq. Çatırların su basqan ğailälär häm suıqtan ülgän yözlärçä bala bar,”-dip söyli ul.

28 yäş’lek şäfqat’ tutaşı 4 yıldır irekle räweştä yärdäm kürsätä, şunıñ 2 yılı üze tözegän gumanitar oyışma arqılı.

“Bu waqıt êçendä 7 tapqır Süriyägä bardım. Keşelär äle xaman cähännämdä yäşägändä ömet qalmıy. Öylären häm mäktäplärne tözekländerü mömkinlege yuq. Açlıq çiratta tora,”-di İsraa.



Bäyläneşle xäbärlär