Rumıniyada tatarlar könen bilgeläp üttelär

13 nçe dekabr’dä Rumıniyanıñ Dobrudja töbägendä Tatarlar köne ütkärelde.

Çarada Törkiyäneñ Buxaresttağı tulı wäqalätle ilçese Füsun Aramaz,Qırım tatarları liderı Mostafa Abdulcämil Qırımoğlu häm Qırım Tatar parlamentı başlığı Refat Çubarov qatnaştı.

Programmağa Rumıniyada yäşäwçe häm Ukrainadan, şulay uq Törkiyäneñ törle şähärlärennän kilgän Qırım tatarları zur qızıqsınu kürsätte.

Çara dubrudjalı tatar şağıyre Mäxmat Niyazinıñ qaberendä Qor’än Kärim uqu häm doğa qılu belän başlanıp kitte.

Annan soñ Mäcidiyä parkındağı Atatörek häm Mäxmät Niyazi byustlarına çäçäklär quyıldı.

Mäcidiyä Mäxmat Niyazi isemendäge mädäniyat cämğiyäte Qırım tatarları liderı Qırımoğluna Mäxmät Niyazi büläge tapşırdı ,Ukrainadan kilgän sänğät’çelär häm Törkiyäneñ xalıq biyüläre törkeme çığış yasadı.

Qırımoğlu häm Çubarov Rumıniyada yäşäwçe Qırım tatarları cämğiyäte wäkilläre belän oçraştı, Rumıniya däwläteneñ azçılıqlarğa birgän xoquqlarınnan iñ yaxşı räweştä faydalanu öçen tatar cämğiyäten berdämlekkä çaqırdı.

1917 nçe yıldnıñ 13 nçe dekabrendä  Qırım xalıq cömhüriyäte iğ’lan itelä. Bu kön  Rumıniyada 2006 nçı yılda qabul itelgän qanun nigezendä Rumıniya tatarları köne itep bilgeläp ütelä.