Dön'yadağı iñ borınğı xaywan räseme
İndoneziyä mäğaräsendäge qıyalarğa töşerelgän räsemnärneñ iñ borınğı xikäyä añlatu ikäne açıqlandı
İndoneziyada dön’yanıñ iñ borınğı xaywan räseme tabıldı. Avstraliyädäge Griffit universitetınıñ tikşerenülärenä qarağanda, 2 yıl êlek Sulavesi utrawında ber izvest’taş mäğaräsendä tabılğan xaywan surätläreneñ yuğarı paleolitik çorğa qarawı häm kimendä 43 meñ 900 yıllıq ütkängä iyä buluı belderelde.
Sızımnar 4 metr yarım kiñlektä häm borıñğı aw küreneşen çağıldıra. Anda garpun, awçılar häm qırğıy xaywannarnı kürergä mömkin.
Tikşerenüçelär sızımnarnıñ älegä qadär bilgele bulğan xikäyä söyläwneñ iñ borıñğı räsem räweşendäge xäle buluın belderde. Ozaq yıllar buyı iñ borınğı mäğarä räsemnäre Awrupada dip sanaldı. İndoneziyädäge tabıldıq monıñ yalğış buluın kürsätte. Uzğan yıl ilneñ Borneo utrawındağı mäğarädä tabılğan xaywan räsemeneñ dä kimendä 40 meñ yıllıq buluı açıqlandı.
