Antaliyä - iñ küp zäñgär bayraqlı şähär

Anıñ 200dän artıq plyajında zäñgär bayraq tora

1322047
Antaliyä - iñ küp zäñgär bayraqlı şähär

Antaliyä dön’yada iñ küp zäñgär bayraqlı plyajı bulğan şähär isemen aldı. Bilgele bulğança, zäñgär äläm - kiräkle standartlarğa iyä bulğan plyaj, pristan’ häm yaxtalarğa birelä torğan xalıqara êkologiyä büläge. Ul -  çista, qarap-tärtipkä salınıp toruçı, cihazlabndırılğan, qurqınıçsız häm tulısınça śivilizaśiyäle möxitneñ simvolı.

Antaliyä sälamätlek idaräse başlığı Ünal Xülür şähärdä bıyıl 422 plyajnı tikşerüen belderde. “Zäñgär bayraq - xalıqara ähämiyäte häm turizm nisbätennän ayırım urın alıp tora. Çönki yal itü öçen tanış bulmağan, yaña ğına öyräneläçäk urınğa kilgändä, keşelär xalıqara garantiyä birüçe häm üzençälekläre bilgele plyajğa kitärgä telär. Zäñgär bayraq şul säbäple köçle turizm êlemtäse çarası,”-dip söyli Ünal Xülür.

Törkiyädä barlığı 463 zäñgär bayraqlı plyaj bar. Şularnıñ 202se - Antaliyädä. Ul - iñ küp zäñgär bayraqlı plyajğa iyä şähär.         



Bäyläneşle xäbärlär