Pol'şanıñ berençe ledisı törek kähwäsen oşattı

Pol’şa ilbaşı Andjey Dudanıñ xatını Agata Kornxawzer-Duda başqala Varşavada oyıştırılğan xäyriyä yärminkäsendä törek kähwäse êçte. Fyerst ledinıñ ximayäsendä “Diplomatik missiyä şeflarınıñ xäläl cefetläre” cämğıyäte älege çaranı här yıl ütkärä. Anda 63 däwlätneñ ilçelekläre qatnaşa.

Agata Kornxawzer-Duda 12nçe tapqır ütüce yärminkä açılışında çığış yasap, Yaña yıl bäyrämeneñ yaqınlaşuı - yärdämgä moxtac buluçılarğa qul suzu waqıtı buluın söyläde. Ul öy dekoraśiyäse, bijuteriyä, qul êşläre şikelle yözlärçä äyber kürgäzmägä häm satuğa çığarılğan yärminkädä stendlarnı qarap yörde. Berençe ledi Törkiyä stendına ayırım ber qızıqsınu kürsätte.  

Agata Kornxawzer-Duda Törkiyäneñ Varşavadağı ilçese Tunç Üğdül häm törek studentları belän äñgämä qordı, törek kähwäse êçte häm täm-tomnardan awız itte. Stend Pol’şa-Törkiyä êşmäkärläre cämğıyäte häm törek firmalarınıñ tırışlığı belän xäzerlände.

Uzğan yıl yärminkädän kergän 120 meñ yevro kerem Pol’şadağı törle yärdäm kompaniyälärenä cibärelgän ide.