Piter Xandkedan Nobel' büläge kire alınırmı?

Cinayät'çe Slobodan Miloşeviçnıñ fanatı bulğan yazuçıdan büläkne kire alunı taläp itälär

1320957
Piter Xandkedan Nobel' büläge kire alınırmı?

Şveśiyä başqalası Stokgol’mda dön’yanıñ törle illärennän cıyılğan jurnalist häm akademiklar Avstriyä yazuçısı Piter Xandkedan Nobel’ ädäbiyät bülägeneñ kire alınuın taläp itte. Älege şäxes Srebreniśadağı qanlı waqıyğalarnıñ genośid buluın inkyar itä häm serb suğışçıların yaqlıy.   

Stokgol’mda cıyılışqan qaläm iyäläre häm ğalimnär Şveśiyä patşa fännär akademiyäsenä möräcäğat’ xäzerläde. Çaqıruda qatnaşuçılar arasında xorvat yazuçı Alida Bremer, nemeś jurnalist Êlke Şmitter, franśuz jurnalist Florens Xartmann, amerikalı qaläm iyäse Roy Gutman, bosniyäle ğalim Ämir Sulagiç, Şveśiyä jurnalistı Kristina Doktare, Sarayevo universitetı professorı Vaxidin Preleviç häm başqalar bar. Törkem isemennän Şveśiyädä yäşäwçe bosniyäle säyäsätçe Alen Musaefendiç belderü yasadı. Ul serb suğış cinayät’çelären yaqlawçı Avstriyä yazuçısı Piter Xandkedan Nobel’ ädäbiyät bülägeneñ alınuın teläwlären citkerde. Belderüdä äytelgänçä, böten dön’ya qabul itkän Bosniyä genośidın inkyar itüçe yazuçınıñ Şveśiyä patşa fännär akademiyäse tarafınnan büläklänüe qabul itelmäs.  

Şul uq waqıtta, Nobel’ büläklären taratuçı akademiyäneñ êlekkege sekretare Piter Ênglund ta ädäbiyät premiyäseneñ Piter Xandkeğa birelüe arqasında bıyılğı tantananı boykot itäçägen belderde.



Bäyläneşle xäbärlär