Törek sıyları - Vaşingtonda

Kürgäzmädä törek simite häm kähwäsen awız itärgä teläwçelär çiratqa tezelde

Törek sıyları - Vaşingtonda

Amerika Quşma Ştatlarınıñ başqalası Vaşingtonda xalıqara tanıtu könnärendä töreklärneñ kelindere “simit” häm kähwä meñnärçä keşene üzenä tartıp kiterde.

Ronal’d Reygan binasında oyıştırılğan häm bik küp däwlätneñ Vaşingtondağı ilçelege urın alğan çaranı AQŞ däwlät särqatibe urınbasarı Mari Roys açtı. Anda Törkiyä belän bäyle stend ta bar ide. Anı Yunus Ämrä institutınıñ Vaşingtondağı ofisı häm Törkiyä ilçelege aça.

Stendta Törkiyä, anıñ mädäniyäte turında söyläwçe broşyuralar belän tanışudan tış, çäy, kähwä, simit häm kadayıf tatlısınnan da awız itärgä mömkin.

Yunus Ämrä institutınıñ Vaşingtondağı ofisı mödire Xalid Bulut çarada 60tan artıq däwlätneñ qatnaşuın belderde. Ul Törkiyä stendı belän qızıqsınuçılarnıñ küp buluın, meñnän artıq keşegä xezmät kürsätülären söyläde.

“Yunus Ämrä institutı bularaq Vaşingtonda 2 yıl yarım êşçänlek alıp barabız. Här forsatnı uñay räweştä qullanu öçen tırışlıq quyabız. Törekçä kurslarıbız, kuxnya, kino programmalarıbız, köndälek diplomatiyäneñ här törle mömkinlegen faydalanıp Amerika cämäğat’çelegenä möräcäğat’ itärgä tırışabız. Bu tanıtu da bezneñ öçen yaxşı mömkinlek ide,”-dide Xalid Bulut.



Bäyläneşle xäbärlär