Soñğı 10 yılnıñ iñ küp tıñlanğan cırçısı

Spotify iñ populyar cırçılar häm cırlar isemlegen çığardı

1316963
Soñğı 10 yılnıñ iñ küp tıñlanğan cırçısı

Şveśiyäneñ muzıka tapşıru häm podkast xezmäte Spotify soñğı 10 yılda iñ küp tıñlanğan sänğat’çelärne atadı.

Anda kanadalı aktyer häm muzıkant Dreyk - berençe urında. Anı 28 milliard tapqır tıñlağannan. Dreyknıñ “Wan Dans” cırı 1 milliard 700 million qat uynatılğan.

Kanada sänğat’çesennän soñ 2010nçı yıllarda iñ küp tıñlanğannar isemlegen Angliyä cırçısı Êd Şiran, Amerika rêpçısı Post Maloun, şulay uq, amerikalı cırçı Ariana Grande häm Êminem däwam itä.  

İñ küp tıñlanğan cırlarğa kilgändä, berençelek Êd Şirannıñ “Şeyp of yu” kompoziśiyäsendä. Annan soñ Dreyknıñ “Wan dans Dreyk” cırı kilä. Öçençe - Post Malounnıñ “Rokstar”ı.

Ä ütep kitkän 2019nçı yılnıñ iñ küp tıñlanğan cırı - Şon Mendes belän Kamila Kabello bergä başqarğan “Sen’orita”.



Bäyläneşle xäbärlär