Muzeynı taladılar

Germaniyä başqalası Berlindağı Stasi muzeyennan kommunizm çorına qarawçı medal’lär häm qıymmätle äyberlär urlandı.

Nemeś mediasında urın alğan xäbärlärgä qarağanda, Könçığış Germaniyä däwlät qurqınıçsızlığı ministrlığınıñ êlekkege binasında urnaşqan muzeyğa qaraqlar yanğın basqıçları buyınça kergän.

Muzey mödire Jörg Driselmann urlanğan qıymmätle äyberlärneñ tözek häm säğat’lär buluın belderde. Monnan tış, qaraqlar kommunistlar Germaniyäsendä birelgän iñ yuğarı däräcäle büläk Karl Marks häm Lenin ordennarın da alıp çıqqan.

Urlanğan äyberlär berniçä meñ yevrolıq. “Bolar zur xäzinä tügel. Ämma bu tarix muzeyı häm keşelärneñ anı öleşläp yuqqa çığaruın telämibez,”-di Driselmann.

Äle küptän tügel genä Germaniyädä Awrupanıñ iñ tirän tamırlı muzeylarınnan sanaluçı Grünes Gevölbene bastılar. 2 qaraq annan 3 almaz bizänü äyberläre komplektın alıp qaçtı. Alarnıñ bäyäse 1 milliard yevrodan artıq.