Barselonağa 120 yäş'

Dön'yadağı iñ uñışlı futbol klublarınıñ berse tuğan könen bilgeläp ütte.

Barselonağa 120 yäş'
4  Luis Suarez  Lionel Messi.JPG
3 Camp Nou, Barcelona.JPG
2 Camp Nou, Barcelona.JPG
5 messi.JPG
1 Barcelona.JPG

Barselona 120 yäşendä. Anı 1899nçı yılnıñ 29nçı noyabrendä futbolğa mökibbän 6 ispan, 3 şveyśariyäle, 2 ingliz häm 1 nemeś tözi. Klub 1 ğasırdan artıq ğomere êçendä üzen dön’yadağı iñ uñışlı komandalar arasına kertte.

Barselona formasın futbol dön’yasınıñ iñ yaqtı yoldızları kide: Yoxan Kroyff, Migel’, Ronal’d Kuman, Xristo Stoiçkov,  Maykl Laudrup, Rival’do, Djozef Guardiola, Ronaldin’o häm äle xaman älege klubta uynawçı Lionel’ Messi.  

Barselona komandası danın törek futbolçıları da yaqladı. Rüştü Reçber (2003-2004) häm Arda Turan (2015-2017) älege isemlektä.  

Klub artta qalğan 119 yılğa 26 liga çempionlığın, 5 çempionnar ligasın, 30 patşa kubogın, 13 İspaniyä super kubogın, 5 Awrupa super kubogın, 4 UEFA Kubogı ciñüçeläre kubogın, 3 Bötendön’ya klublar kubogın sıydırdı.   Barselona, Real Madridtan soñ, dön’yanıñ iñ küp kerem aluçı ikençe klubı. Deloitte şirkäteneñ mäğ’lümatlarına qarağanda, ul 2017nçe-2018nçe yıllar sezonında 690,4 million yevro kerem täêmin itte. Bu sezonda da Barselona 671 million yevro belän La Ligada iñ zur byudjetqa iyä komanda bularaq tora.  

Klub tarixındağı iñ uñışlı yıl dip texnik direktör Djozef Guardiola qul astındağı 2009nçı yıl sanala. Anda Barselona böten turnirlarda ciñgän ide.  

Bu sezonda İspaniyä klubı uzğan 14 atnada 28 ball belän La Ligada liderlıqta bara.

Şunısın da äytergä kiräk, Barselona xaqında “klub qına tügel” dilär. Ul İspaniyä êçendä säyäsi poziśiyäse häm Kataloniyädäge millätçe ağımğa teläktäşlek kürsätüe belän ayırılıp tora.



Bäyläneşle xäbärlär