İtaliyä häm Marokkoda “Törek fil’mnarı atnalığı”

Kinosöyüçelär atna buyı här kiç xalıqara festival’lärdä büläk alğan äsärlärne qarayaçaq

1311145
İtaliyä häm Marokkoda “Törek fil’mnarı atnalığı”

İtaliyädä häm Marokkoda “Törek fil’mnarı atnalığı” başlandı. Açılış programmasın Rim häm Rabatta Yunus Ämrä institutı oyıştırdı.

İtaliyä başqalasındağı çara Nuri Bilgä Cäylannıñ “Qırğıy gruşa ağaçı” fil’mın kürsätü belän başlandı. Soñınnan rejissyer törek häm ital’yan kinosöyüçelärneñ sorawlarına cawap birde.

Tantanada Yunus Ämrä institutı citäkçese Şäräf Atäş çığış yasap: “Törek kinemotografiyäse soñğı yıllarda serial tarmağı belän bergä iñ ähämiyätle mädäni mäydannarıbızdan berse,”-dip söyläde

Marokkonıñ başqalası Rabatta “Törek fil’mnarı atnalığı” açılışında Törkiyä ilçese Äxmät Aydın Doğan häm tağın başqa däwlätlärneñ diplomatları qatnaştı.

Doğan üz çığışında törek fil’mnarınıñ tamaşaçısınıñ torğan sayın artuın assızıqladı.

Kinosöyüçelär atna buyı här kiç xalıqara festival’lärdä büläk alğan kartinalarnı qarayaçaq.



Bäyläneşle xäbärlär