Bıyıl Antaliyada 15 millionğa yaqın turist yal itkän
Antaliyağa kilüçe turistlar arasında rusiyälelär yänä berençe urında
Dön’yanıñ tanılğan turizm üzäkläre arasında urın aluçı Antaliyağa bıyıl üz tarixında täwge tapqır 15 millionğa yaqın turist kilgän.
Turizm başqalası dip yörtelüçe şähärdä bıyılğı sezon bik uñışlı uzğan.
Şulay itep Antaliya yıl azağına bilgelängän 16 million turist maqsatına ireşü öçen ışanıçlı adımnar belän alğa bara.
Antaliya mädäniyat häm turizm mödirlege mäğ’lümatlarına kürä ağımdağı yılnıñ 1 nçe ğıynwar – 29 nçı oktyabr’ däwerendä Antaliya häm Gazipaşa hawa mäydannarına kilgän turist sanı 14 million 606 meñ 912 täşkil itkän.
Bu isä uzğan yılnıñ şul uq çorı belän çağıştırğanda 17%qa kübräk.
Antaliyağa kilüçe turistlar arasında rusiyälelär yänä berençe urında.
Rusiyädän soñ iñ küp turist Germaniya häm Ukrainadan kilgän.
Bıyıl Antaliyada 193 ildän turist yal itkän.
Bäyläneşle xäbärlär
2027nçe yılğı Awrupa uyınnarı İstanbulda uza
Awrupa Olimpiya komitetı başqarma şurası monı bertawıştan xupladı