3 meñ yıllıq möher

Anıñ borınğı Assiriy çorına qarawı bilgele

1291859
3 meñ yıllıq möher

Törkiyädä Diyarbalkır töbägeneñ Çınar rayonı tiräsendäge Zerzevan qal’gäsendä alıp barılğan qazınularda Assiriyä çorına qarawçı 3 meñ yıllıq möher tabıldı.

Zerzevan qal’gäse Rim imperatorlığı çorında xärbi cirläşü urını bularaq qullanılğan. Biredä Törkiyä mädäniyät häm turizm ministrlığı qul astında qazınular 5 yıl däwam itä.

Xäzerge waqıtqa qadär 12-15 metr biyeklegendäge häm 1200 metr ozınlığındağı nığıtma divarı qaldıqları, 21 metr biyeklegendäge küzätü häm saqlanu qalançası, çirkäw, idarä binası, toraqlar, igen häm qoral kelätläre, cir astı ğıybadätxanäse, sıyınu urınnarı, yarğa çoqıp yasalğan qaberlär, su kanalları belän 54 su bagı urnaşqan qal’gä kilep citkän.

Bıyıl alıp barılğan qazınularda Rim çorına qarawçı 1700 yıllıq Mitra dineneñ cir astı ğıybadätxanäse yanında, 4 metr tiränlektä borınğı möher tabıldı. Anıñ 3 meñ yıllıq buluı bilgele.  



Bäyläneşle xäbärlär