Bıyılğı Nobel' tınıçlıq bülägen aluçı bilgele

Nobel’ tınıçlıq büläge bıyıl Êfiopiyä xökümäte räise Abiy Äxmät Aligä birelde. Anıñ Êritreya beläñ çik buyı bäreleşen çişüdä nıqlı iniśiativası, xalıqara xezmättäşlege häm kileşügä ireşüdäge tırışlıqları yuğarı bäyälände.

Nobel’ komitetınnan yasalğan belderüdä äytelgänçä, Alinıñ Êfiopiyä belän Êritreya arasındağı ozaq waqıt däwam itüçe bäreleşlärne beterü öçen solıx kileşüe prinśipların qızu räweştä formalaştıruın, bu yulda köç quyuın kütärep alu kiräk. Älege büläkneñ kileşü mäs’äläsendäge êşçänlektä xökümät räisenä köç-quät biräçägenä ömetlänälär. Belderüdä, şulay uq, Alinıñ watandaşlarına tağın da yaqtı kiläçäk häm yaxşı tormış ömete birüçe ähämiyätle reformalar başlawı äytelä.