Törkiyäneñ güzälleklär belän tulı poçmağı - Amasra

Törkiyäneñ Amasra cirlege ağımdağı yılnıñ 8 ayında 1 millionnan artıq qunaqnı qabul itte. Biredä êllenistik, arxaik, Rim, Vizantiyä, Genuêz, Sälçükle häm Ğosmanlı çorlarına qarawçı bik küp äsär bar. Şulay uq, Amasra berençel xälendä saqlanıp qalğan qultıqları, çista qomlıqları, tınıç diñgeze häm tabiğıat’ belän bötenläşkän başqa maturlıqları belän danlı. Turistlar cirlekneñ balıqqa östenlek birüçe aş-suların da yarata.

Amasra qal’gäse 2015nçe yılda YuNESKOnıñ bötendön’ya mirasınıñ waqıtlıça isemlegenä kerde. Anda çirkäw häm bazardan tış muzeyğa quyılğan, meñnärçä yıllıq mirasnı gäwdäländerüçe äsärlär iğ’tibarnı cälep itä.

Tabiğate diseñme, tarixı yäisä aş-suları diseñme - här yağı belän turistlarnı üzenä cälep itüçe Amasrağa 2014nçe yılda 600 meñ zıyarätçe kilsä, bıyılnıñ 8 ayında bu san 1 millionnan arttı.