Afrodizias - turistlarnı çaqıra

Bıyıl Afrodizias antik şähärendä turistlar sanınıñ 100%qa artuı kötelä. Cirlek Törkiyäneñ Aydın töbägendä urnaşqan. Ul YuNESKOnıñ Bötendön’ya mirası isemlegendä. Tarixi urında arxeologik qazınular 1904nçe yılda başlanğan. Ul xäzer dä däwam itä.

Afrodizias - antik çorda mäxäbbät häm güzällekneñ alihäse bularaq bilgele Afroditağa atap tözelgän şähärlär arasında iñ bilgelese. Ul, ber ük waqıtta, Rim çorınıñ iñ osta sınçıları üzäge buluı belän dä iğ’tibarnı cälep itä.

Şähär qazınular waqıtında çığarılğan zur häykäl häm rel’yefları, äle xaman urınında toruçı qorılmaları belän här yıl bik küp tarix häm sänğat’ söyüçelärne üzenä tarta.

Rim çorınıñ kürkämlelegen çağıldıruçı zur şähär basseynı, Tetrapilon qapqası, Sebasteyon ğıybadätxanäse, stadion, antik teatr, munça şikelle qorılmalar turistlarnı, äyterseñ, tarixi yulçılıqqa çaqıra.

Sonğı 3 yışda antik şähärdä zıyarätçe sanında citdi artu bar. Uzğan yıl yaqınça 150 meñ keşe kilde. Bıyıl kimendä 300 meñne kötälär.