“The Network” İstanbulda kürsätelde

Fil'm FETÖneñ pıçraq yözen añlata

1235698
“The Network” İstanbulda kürsätelde
the network istanbul2.jpg
the network istanbul1.jpg

İlbaşı idarӓseneñ êlemtӓ rӓislege başlatqan proyekt qısalarında Fetullaxçı terror oyışmasınıñ çın hӓm qarañğı yözen añlatu maqsatı belӓn TRT World tarafınnan ӓzerlӓngӓn “The Network” isemle dokumental’ fil’m İstanbulda kürsӓtelde.

Törkiyӓ teleradiokompaniyase TRT ğomüm mödire İbrahim Eren prem’yeradan alda yasağan çığışında: “15 iyul’ tönendӓ FETÖ başqarğan tüntӓreleş kereşüenӓ qarşı xalqıbız batır hӓm qıyu totış kürsӓtte,” – dip belderde.

İbrahim Eren Törkiyӓ demokratiyase öçen 15 iyul’ köneneñ zur borılış buluın assızıqlap tübӓndӓgeçӓ dӓwam itte: “Tüntӓreleşçelӓrneñ isemlegendӓ berençe urında bulğan hӓm höcümgӓ duçar qalğan oyışmalardan berse bularaq ul tönne onıtmayaçaqbız, onıttırmayaçaqbız.”

TRT ğomüm mödire “The Network” filme belӓn FETÖneñ çın yözen hӓm bar dönyağa ni qadӓr zur yanaw tudıruın cӓmӓğat’çelekkӓ citkerüne maqsat itülӓren ӓytte.

Bu maqsat belӓn Rusiyӓ Federaśiyase, Yaponiya, Amerika, Törki cömhüriyӓtlӓr hӓm şaqtıy Awrupa ilendӓ çaralar oyıştıruların añlatqan İbrahim Eren FETÖneñ çirqanıç yözen bar dönyağa añlatu öçen dokumental’ filmneñ ingliz, franśuz, alman, ispaniya, portugaliya, ğarӓp, rus, bosniya hӓm alban tellӓrendӓ kürsӓtelüen hӓm kürsӓtelӓçӓgen belderde.



Bäyläneşle xäbärlär