Aq cännättä sezon görli

YuNESKO Bötendön’ya mirası isemlegendä urın alğan Pamukkalägä yılnıñ berençe 6 ayında 1 million turist kilde.

Cirlek äytep betergesez matur travertinnarı, şifalı suları häm tirä-yünendäge antik şähärläre belän yılnıñ här fasılında zıyarätçelärne üzenä tartıp tora. Pamukkaläne ikençe törle aq cännät dip tä yörtälär.

Cäy köne biregä kilüçelär ayıruça küp. Çönki Pamukkalä turistik marşrutlarğa da kergän. Qunaqlar biredä ap-aq travertinnarda fotoğa töşep häm şifalı sularda qoyınıp waqıt ütkärä.  

Dänizli turistik qunaqxanälär häm turoperatorlar cämğıyäte räise Gazi Murat Şän bıyıl turizm sezonınıñ bik bäräkätle buluın assızıqladı.

“Yılnıñ täwge 6 ayına qarasaq, aq cännätkä kilgän turist sanı 1 millionnan artqanın küräbez. Uzğan yılnıñ şul uq çorında yaqınça 780 meñ zıyarätçebez bar ide. Uzğan yılğa qarağanda, 23%lıq üseş täêmin itkänbez. Yıl axırına qadär 3 million turistnı qabul itärlek xälebez bar,”-dide ul.