Yäş' pianist İtaliyädä berençe buldı

Muzıkağa säläte 4 yäşendä açılğan Nähir Özzängin İtaliyada oyıştırılğan Xalıqara Nikola Di Stefano pianistlar yarışında berençelekne aldı.

Törkiyäneñ Yaşar universitetınnan yasalğan belderügä qarağanda, Özzängin uqu yortınıñ muzıka akademiyäse uquçısı häm 10 yıldır tuqtawsız bu ölkädä êşçänlek alıp bara. Ul İtaliyädä üz kategoriyäsendä iñ yaxşısı buldı.

İzmirle yäş’ talant Nähir Özzängin, şulay itep, İtaliyäneñ iñ ähämiyätle muzıka festival’läreneñ berse - Ars Novada çığış yasaw xoquqı qazandı.  

Özzängin soñğı 2 yılda 6 xalıqara çarada uñışqa ireşte. 14 yäş’lek qız tormışında härwaqıt muzıkanıñ urın alacağına ömetlänä. Ul konkurslarda ilen iñ yaxşı räweştä wäkillek itärgä omtıluın assızıqlıy.  Nähir Özzängin bolay di: “Äti-änise tarafınnan teläktäşlek kürgän här balanıñ, hiçşiksez, ber mäydanda uñışlı bulacağına ışanam. Minnän ürnäk aluçı bik küp qız balanıñ yanıma kilüe isä, ayıruça, şatlıq xise birä. Büläklärem başqalarğa ilham birüne däwam itär dip ışanam”.