Törek fotorässamınıñ êşen NASA oşattı

Törek astronomiyä fotorässamı Bätül Türksoynıñ Ay, Yupiter häm yasalma iyärçennärne surätlägän êşe NASA tarafınnan “Könneñ astronomiyä fotosı” bularaq saylandı. Süz 20nçe maydan 21enä qarşı töndä töşerelgän räsem turında bara.  Bätül Türksoy äytkänçä, ul tulğan aydan soñ ikençe tön bula häm Ay belän Yupiter bergäläp bolıtlar arasınnan qarap iskitkeç serle küreneş barlıqqa kiterä.

NASA säxifäsendä älege foto yanında mondıy süzlär yazılğan: “20nçe mayda tulğan ay häm Yupiter bu telefoto mäydanın urtaqlaştı. Uzıp baruçı bolıt ay yaqtısın tonıqlandırğanda êläkterep alınğan küreneş matur planetabıznıñ zur tabiğıy iyärçeneneñ tanış yöze belän bergä yaqtı Yupiter häm anıñ Galileo iyärçennärennän qayberlären bezgä açıp sala”.

Türksoynıñ fotosın https://apod.nasa.gov/apod/ap190523.htmladresı buyınça qararğa mömkin.