Sümela monastıre turistlar öçen açıldı

Törkiyäneñ ähämiyätle turizm ob’yektı - Trabzondağı Sümela monastıre 4 yıl däwam itkän tözekländerü êşçänlegennän soñ açıldı. Anda inde berençe zıyarätçelär dä buldı.

Qıya östendä tözelgän ğacäyep qorılmanı kürü öçen dön’yanıñ törle poçmaqlarınnan kilälär. Sümela monastıre - Törkiyäneñ iñ qıymmätle mädäni cäwhärlärennän berse.

İlneñ turizm ministrlığınnan belderülärençä, restavraśiyä êşçänlegeneñ berençe êtabı tögällängän. Äle qayber urınnarda tözekländerü däwam itä.