Rusiyälelär törek telen seriallardan öyränä
Bu fiker 41 nçe Xalıqara Mäskäw fil’m festivalendä citkerelde
Törkiyä däräcäle qunaq bularaq qatnaşuçı 41 nçe Xalıqara Mäskäw fil’m festivalendä fil’m kürsäter aldınnan matbuğat oçraşuı ütkärelde.
Bosfor fil’m festivaleneñ sänğät’ citäkçese Ämrah Kılıç Rusiyädä törek kinosına zur qızıqsınu kürsätelüen ,rusiyälelärneñ törek serialları aşa törek telen öyränüen belderde.
Ul festival’neñ Törkiyä – Rusiya mönäsäbätlären üsterügä öleş kertäçägen häm kiläçäktä şaqtıy urtaq proyektnıñ tormışqa aşuına nigez äzerläyäçägen citkerde.
Kılıç törek seriallarınıñ Rusiyädä bik yaratıp qaraluın häm Törkiyägä qarata qızıqsınu uyatuın assızıqladı.
Ämrah Kılıç kino dönyasınıñ ike il xalıqların üzara yaqınaytuın belderep,”Törek serialları ilebez häm mädäniyatıbıznı, ğoref - ğadätlärebezne , telebezne Rusiyädä bik uñışlı tanıta . Küp kenä rusiyäle törek telen älege seriallardan öyränä”dide.
”Belderü”(“Anons”) fil’me prodyusserı Bulut Räyhanoğlu törek kinosınıñ soñğı 10 yılda zur uñışlarğa ireşüenä basım yasadı.
Räyhanoğlu:”Rusiya häm Törkiyä kinosı ber-bersenä nıq yoğıntı yasıy. Alar belän urtaq proyek başqarırğa telim. Bik matur äsärlär kilep çığar dip ömetlänäm”,-dide.
Bäyläneşle xäbärlär
23 nçe aprel' gala programması
46 nçı Xalıqara 23 nçe aprel’ Balalar bäyrämeneñ gala kiçäse ilbaşı qatnaşında uza
Êverestta yuğalğan tawmenär xatları
Al'pinistnıñ xäläl cefetenä yazğan xatları 100 yıldan soñ cämäğat’çelek belän urtaqlaşıldı