Pasxa turizmğa öleş kertäçäkme?

Xristiyannarnıñ Pasxa bӓyrӓme uñayınnan bu ay azağında Törkiyӓgӓ turizm ağımı kötelӓ.

Törkiyӓ belӓn Rusiyӓ arasında 2019 yılnıñ “Turizm hӓm mӓdӓniyӓt yılı” bulıp iğlan itelüe uñayınnan ilgӓ kilӓçӓk Rusiyӓ turist sanınıñ isӓ 10%ka artuı küzdӓ totıla.

Urta diñgez Turistik qunaqxanӓçelӓr berlege başlığı Erkan Yağcı uzğan yıl belӓn çağıştırğanda yaxşı qış sezonı uzdıruların ӓytte.

Turizmçılar öçen qış aylarında Germaniyaneñ möhim bazarlar arasında urın aluın beldergӓn Yağcı bu bazarda üseşneñ küzӓtelüen açıqladı.

Soñğı waqıtta qış turizmında Rusiyӓneñ dӓ urın aluın ӓytkӓn Yağcı Törkiyӓ hӓm ayıruça Antaliyağa uzğan yıl iñ küp turist cibӓrgӓn ilneñ Rusiyӓ buluın belderde.

Erkan Yağcı turizmnıñ canlana başlanuın, qayber qunaqxanӓlӓrneñ 70%ka tuluın añlattı hӓm ayıruça Pasxa bӓyrӓme uñayınnan bu ay azağında turistlarnı kötülӓren belderde.