İñ qart tireks skeletı

Kanadada iñ zur häm qart tirannozavr reksnıñ skelet qaldıqları tabıldı

1169931
İñ qart tireks skeletı

Kanadanıñ Saskaçevan töbägendä iñ zur häm qart tirannozavr reksnıñ skelet qaldıqları tabıldı. Alberta universitetı paleontologları törkeme aña Skotti iseme birde. Tireks dinozavrınıñ skeletı 13 metr ozınlığında, 66 million yıllıq häm 8 meñ 800 kilo awırlığında.

Universitetnıñ biologiyä fännäre bülege wäkile Skott Persons beldergänçä, skelet täwge tapqır 1991nçe yılda tabılğan. Ämma anıñ turında ber belderüdä yasalmağan. Yıllardır söyäklärne qom häm taştan çistartqannar. Xäzer bu êşçänlek tögällängän.

Skelet Regina şähärendäge Saskaçevan patşa muzeyenda kürgäzmägä quyılaçaq. Anı öleşlär xälendä kiterep, soñınnan berläştergännär. Tikşerenülärgä qarağanda, tirannozavr 30 yäş’lärendä ülgän. Belgeçlär monıñ it aşawçı dinozavrlar öçen bik ozın ğomer buluın belderä.  

“Dinozavrlar patşası” bularaq bilgele tirannozavr reks törendä bügengä qadär tabılğan iñ zur skelet fosili Skottidan 400 kilogrammğa ciñelräk ide.



Bäyläneşle xäbärlär