Çamlıca mäçete ğıybadät öçen açıldı

İstanbulnıñ iñ biyek noqtasında urnaşqan mäçettä ber'yulı 63 meñ keşe namaz qıla ala

1158742
Çamlıca mäçete ğıybadät öçen açıldı
camlica cami2.jpg
camlica cami1.jpg

İstanbulnıñ iñ yuğarı noqtasında tözelgän Çamlıca mäçete ğıybadät öçen açıldı. Aña 2013nçe yılda nigez salındı. Tözeleş êşläre 6 yıl däwam itte. Bügen mäçettäge täwge azan irtänge namazda äytelde. Ğıybadätkä kilüçelär şaqtıy küp ide. Anda İstanbul xakimiyäte başlığı kandidatı Binali Yıldırım da qatnaştı. Ul Çamlıca mäçeteneñ iskitkeç äsär buluın söyläde. Dini ob’yekt ber ük waqıtta 63 meñ keşe namaz qıla torğan zurlıqta êşlängän.

Mäçetneñ räsmi açılışı soñraq, ilbaşı Räcäp Tayyip Ärdoğan tarafınnan yasalaçaq.

Çamlıca mäçetendä, ğıybadät urınınnan tış, 11 meñ kvadrat metr mäydanda muzey, 3 meñ 500 kvadrat metrlı sänğat’ galereyası, 3 meñ kvadrat metrda kitapxanä, meñ keşelek konferenśiyä zalı, 8 sänğat’ ostaxanäse häm 3 meñ 500 maşinalıq maşina parkı bar.  

Mäçetneñ 34 metr biyeklegendäge gömbäze İstanbulnı simvollaştıra.



Bäyläneşle xäbärlär