İdil Birät Soçida konśert quyaçaq

Böten dön’yada mäşhür pianist İdil Birät Rusiyäneñ Soçi şähärendä ütüce “Xalıqara sänğat’ festivale”neñ yabılu tantanasında çığış yasayaçaq.  Muzıkant London filarmoniyäse orkestrı, Pol’şa milli radio simfonik orkestrı, Yel’ simfonik orkestrı şikelle ataqlı truppalar belän konśert quya. Bu yulı ul Rusiyä tamaşaçıları qarşına çığa. Soçida ütüce festival’15nçe fevral’dä başlandı häm 24enä qadär däwam itäçäk.  

İdil Birät Yuriy Başmet citäkçelegendäge orkestr belän bergä Raxmaninovnıñ pianino konśertın uynayaçaq.

Muzıkant bu çığışı turında belderüdä yasadı. Anda ul üzeneñ 1960nçı yılda rus pianistı Êmil’ Gilel’s çaqıruı buyınça berençe tapqır Sovetlar berlegenä baruın xäterli. Birät älege ilgä säfär yasağan täwge törek pianistı bula. Şunnan soñ sänğat’çe Rusiyägä 100dän artıq konśert belän bara.

İdil Birät 24nçe fevral’ könne bulaçaq konśertqa Rusiyä däwlät başlığı Vladimir Putinnı da çaqırıp xat cibärgän.