Sarayevo ruxı alqa-yözeklärdä

Sarayevonıñ ruxın señdergän zärkan êşlänmäläre kollekśiyäse päyda buldı

1137468
Sarayevo ruxı alqa-yözeklärdä

Bosniya-Gerśegovina başkalası Sarayevoda yäşäwçe arxitektor Tarik Musakadiç şähärneñ tarixi simvolların zärkan êşlänmälärendä çağıldıra. Şul räweşle, ul ätiseneñ käsebe - zärqançılıqqa yañalıq kertä.

Yäş’ sänğat’çeneñ Başçarşı, Gazi Xüsräv bäy mäçete, Säbil, Ğaysäneñ qalebe soborı häm Milli kitapxanä şikelle simvollarnı gäwdäländergän êşläre - küzne dä, künelne dä irkäli.  

“Samusa” dip isemlängän zärqan êşlänmäläre kollekśiyäseneñ ideologı Tarik Musakadiç beldergänçä, bizänü äyberläre yasaw uyı kisäk kenä kilgän. “Qız tuğanım belän ber dustıbızğa büläk xäzerlärgä telädek. Ätineñ käsebe zärqançılıqnı qullanıp, Sarayevodağı tarixi äsärlärdän toruçı yözek yasadıq,”-dip söyli ul.

Ätiseneñ kibetendä kürgäzmägä quyılğan bizänü äyberläre belän qızıqsınuçılar küp bula. Bu isä maxsus kollekśiyä icat itügä êtärgeç birä.

Musakadiç arxitektorlıqqa qadär ätisennän zärqançılıqnı öyränüen söyli. “Öydä bizänü äyberläre yasıy torğan ostaxanä bar. Härwaqıt bu êşneñ êçendä buldıq. Ätidän öyrängännärne arxitektura belän berläşterdem. Şulay itep, Sarayevonıñ ruxın señdergän zärkan êşlänmäläre kollekśiyäse päyda buldı,”-di ul.



Bäyläneşle xäbärlär