Rotterdamda törek fil'mnarı

Niderlandnıñ Rotterdam şähärendä 12 kön êçendä ozın häm qısqa metrajlı 500 fil’m kürsäteläçäk. Anda “48nçe xalıqara fil’m festivale” başlandı.

Açılış tantanasında ilneñ mäğarif, mädäniyät häm fän ministrı İngrid van Êngelsxoven häm festival’neñ ğomum mödire Bero Beyer çığış yasadı. Çara Niderlandnıñ “Kerle Täñre” fil’mı belän başlanıp kitte.

Festival’dä törle illärdän 8 yäş’ rejissyer töp büläk öçen yarışaçaq. İñ layıq kürelgän fil’mğa 40 meñ yevro bireläçäk. Monnan tış, sänğatı uñışqa ireşkän ikençe kartina öçen 10 meñ yevro xäzerlängän.  Ul “jyurinıñ maxsus büläge” bulaçaq.

Festival’dä äle ber tapqır da tamaşaçı xozurına çığarılmağan fil’mnar qatnaşa. Anda törek rejissyerları Tarık Aktaşnıñ “Nebula”, Kökän Ärgünneñ “Şähitlär” häm Gürcan Kältäkneñ “Gulyabani” äsärläre dä kürsäteläçäk.

Festival’neñ töp bülägen uzğan yıl Qıtay rejissyerı Śay Çênśze  “Tol sixerçe” fil’mı öçen aldı.