2 meñ yıllıq basseyn turistlarnı çaqıra

Yozgatnıñ Sarıkaya rayonında “Patşa qızı” bularaq ta bilgele Bazilika Terma Roma xamamı basseynında keşelär qar astında yözep käyeflänä. Alarnı hawa torışınıñ -6 buluı da borçımıy. 2 meñ yıl ütügä qaramastan antik xamam şifalı suı belän üzenä tartıp tora.

Rivayat’lärgä qarağanda, Rim imperatorlığı çorında Kayseridä yäşägän ber patşa qızı däwalawı bulmağan xastalıq êläktergän häm älege xamam anı sälamätländergän. Şul säbäple anı “Patşa qızı” dip atıylar. Xäzerge waqıtta tarixi xamamğa turistlarnı tartu öçen êşçänlek alıp barıla.  

Bazilika Terma Roma - Yözgat xakimiyäte citäkçelegendä 2014nçe yılda alıp barılğan arxeologik qazınular näticäsendä kön yaqtılığına çığarıldı. Xamam häm cir astınnan çığuçı qaynar su belän tuluçı basseyn, başlıça, qış aylarında östen kürelä.  

Antik qorılma üzeneñ arxitekturası belän dä iğ’tibarnı cälep itä. Anı tanıtu êşenä öleş kertü maqsatınnan ber törkem yozgatlı qar astında basseynda yözde.