Üz fil'mnarın iñ küp qarawçı il - Törkiyä

Törkiyä tamaşaçısı, böten dön'yadan ayırmalı bularaq, Amerika fil'mnarı tügel, üzenekenä östenlek birä

1111336
Üz fil'mnarın iñ küp qarawçı il - Törkiyä

Üzendä töşerelgän fil’mnarğa iñ küp östenlek birüçe il - Törkiyä. Anıñ kino tarmağı könnän-kön üsä.  

Törkiyä bazarında törek fil’mnarı köndäşsez. 2017nçe yılnıñ täwge 3 ayında yaqınça 36 million tamaşaçı alarnı qarağan. 2018nçe yılnıñ şul uq çorında älege san 42 millionnan arttı. Kürsätügä kergän fil’m sanı da 147dän 172gä citte.

Yazuçı Mähmät Açar Awrupada üz ileneñ fil’mnarın iñ küp qarawçı däwlätneñ Törkiyä buluın belderde. “Barısı da üz fil’mnarın çığara. Ämma alar kassada Amerika fil’mnarı belän yarışa almıy. Törkiyädä isä näq’ kirese,”-dide ul.

Statistika törek kinematografiyäseneñ uñay kürsätkeçläre belän tulı. Cirle tamaşaçı östenleklären üzgärtep tora. Ber çorda aldınğı urında tupas komediyälär ide. Xäzer anıñ urının biografik fil’mnar häm dramalar ala bara.

Törkiyä serialları inde küptän dön’ya telekanallarında tamaşaçısın taptı. maqsat - seriallarnıñ bu uñışın fil’mnarğa da küçerü.

Törkiyä radio häm televideniye kompaniyäse dä kinemotografiyä tarmağında ähämiyätle rol’ uynıy. TRT yäş’ fil’m söyüçelärne qızıqsındıra häm alarğa sıyfatlı kartinalar täq’dim itä.

Törkiyä fil’mnarı xalıqara festival’lärdä dä üz isemen işetterä. 2018nçe yılda Sandans fil’m festivalendä “Kübäläklär” iñ yaxşı äsär isemen aldı. Kann festivalendä isä “Qırğıy gruşa ağaçı” küpsanlı xuplawlarğa iyä buldı.



Bäyläneşle xäbärlär