"Çegän qızı" Törkiyägä qayttı

Qayçandır Törkiyädäge antik şähärdän urlanğan tarixi äsärneñ öleşläre qabat tabılğan urınına quyıla

1096323
"Çegän qızı" Törkiyägä qayttı

AQŞnıñ Ogayo ştatındağı Bowling Green universitetında kürgäzmägä quyılğan “Çegän qızı” mozaikasınıñ öleşläre Törkiyägä kiterelde. Älege äsär 1960nçı yıllarda Gaziantäptäge Zeugma antik şähärendä qanunsız qazınular waqıtında tabılğan häm çit ilgä urlanğan ide. 1965nçe yılda ber sänğat’ äsärläre säwdägäre anı universitetqa sata. Şul waqıttan birle ul uqu yortınıñ kürgäzmäsendä tora.

Ämma mozaikanıñ töp öleşen qaraqlar kürmiçä qalğan. Anı küp yıllar ütkäç antik şähärdäge arxeologik êşçänlek waqıtında ber bağana astınnan taptılar. Älege mozaika borınğı qaladağı ber zinnätle yortnıñ idänen bizägän.

AQŞqa qadär barıp citkän öleşlärneñ älege äsärneke buluın Törkiyä isbatladı häm alarnı kire qaytarunı taläp itte. 5 ay êlek mädäniyät häm turizm ministrlığı belän Amerika universitetı arasında kileşü tözelde. Törkiyä wäkilläre Zeugma mozaikalarınıñ 12 öleşen alıp oçqıç belän Törkiyägä cibärde. Konteynerğa quyılğan tarixi äsärne İstanbul aêroportında qarşıladılar häm tağın ber oçqıç belän Gaziantäpkä yulladılar.



Bäyläneşle xäbärlär