Rusiya turistları yal itü öçen kübräk Törkiyäne saylıy

Törkiyä bıyıl da Rusiyädän kilüçe turistlarnıñ iñ yaratqan yal itü urını buldı.

Rusiya tur operatorları assośiyäse beldergänçä, bıyıl Rusiyädä sentyabr’ – oktyabr’ aylarında “bärxet sezonı” dip yörtelgän däwerdä watandaşlar yal itü öçen yänä Törkiyägä östenlek birde.

Şulay uq bıyılğı közdä Törkiyädä yal itü taläbeneñ uzğan yıl belän çağıştırğanda 40%qa artuı citkerelä.

Rusiya turistlarınıñ iñ küp Antaliyanıñ Lara, Bäläk rayonnarında häm İstanbulda yal itüe belderelä.

Antaliya mädäniyat häm turizm mödirlege mäğ’lümatlarına kürä, bıyılnıñ ğıynwar –sentyabr’ aylarında Antaliyağa 11 million 100 meñ çit il turistı kilgän, alarnıñ 38,83%ın Rusiyädän kilüçelär täşkil itkän.

Yıl azağına qadär Törkiyägä yaqınça 6 million Rusiya turistınıñ kilüe kötelä.