“Möxämmäd päyğambär” isemle karikatura bäygese ğamäldän çığarılğan

 Niderlandta çiktän tış uñçı İrek partiyäse liderı Gert Vildersnıñ ütkärüe planlaştırılğan “Möxämmäd päyğambär” isemle karikatura bäygese ğamäldän çığarılğan.

Vilders anı iminlek nigeznamäse belän ütkärüdän waz kiçülären citkergän.

Vilders bu xaqtağı belderüendä barı tik üzenä  genä tügel,böten Niderland iminlegenä qurqınıç yanawına basım yasağan.  

İslamğa qarşı köräşen däwam itteräçägen beldergän Gert Vilders bernindi yanawnıñ da anı tuqtata almayaçağın assızıqlağan.

Niderlandnıñ çiktän tış uñçı İrek partiyäse liderı Gert Vilders iyün’ ayında “Möxämmäd päyğambär” isemle karikatura bäygese ütkäräçäklären citkergän ide.

Çiktän tış uñçı säyäsätçe bäygedä qatnaşu öçen möräcäğät’lärneñ 31 nçe avgustta tögällänäçägen,anıñ 10 nçı noyabr’dä uzaçağın ,200 dän kübräk keşeneñ bäygedä qatnaşırğa teläk belderüen häm ciñüçelärgä 10 meñ dollar büläk bireläçägen äytkän ide.

Möselmannar dönya külämendä bu bäygegä rizasızlıq beldergän ide.