Törki uyınnar festivale

Bıyıl Törkiyädä täwge tapqır “Ärzurum törki uyınnar festivale” oyıştırıldı. Anıñ qısalarında atlı söñgeçe, atlı uqçı, köräş häm başqa yarışlar ütkärelä. Festival’ 120 meñ kvadrat metrlı mäydanda bara. Anda uyın cirläre, tuy çatırları, hönärçelek poçmaqların kürergä mömkin. Telägän keşe töbäkneñ milli aş-suın tatıp qarıy ala.

Ärzurumlı timerçe Dawıt Tannıñ utta qızğan timerne qulına häm telenä tiderep yasağan tamaşasına küplär xäyran qaldı.

Törkiyä xalıqçan sport törläre federaśiyäseneñ maqtawlı räise Alpaslan Cäylan beldergänçä, festival’dä urın alğan sport çaralarınıñ şaqtıyı ütkändä Urta Aziyä törkilärendä öyrätü-uqıtu maqsatınnan qullanılğan. “Törkilär här mizgeldä suğışqa kerä alu öçen tınıç zamanda öyrätüne küñel açuğa äwerelderep üzlären xäzerlekle xäldä totqannar. Ägär bu tarixnı, mädäniyätne saqlamasaq, kiläçäk buınnarğa söyli alırlıq bernärsäbez bulmas,”-di federaśiyä wäkile.   

Festival’ bügenge çaralar belän tämamlanaçaq.