Avstraliyädä 25 million yıl êlek yäşägän akulanıñ teşläre tabıldı

Avstraliyä belgeçläre Viktoriya töbägendäge ber yar buyında 25 million yıl êlek yäşägän 9 metrlı gigant akulanıñ teşläre tabıluın belderde. Bu xaqta cirle radio häm televidenie qanalınnan xäbär ittelär.

Häwäskär qazuçı häm uqıtuçı Filip Mullali yar buyında yörgändä taş qıyağa yabışqan teşlärne kürep ala häm muzeyğa xäbär itä. “Teşneñ dürttän ber öleşe tışqı yaqqa çıqqan ide. Dulqınlandım, bu iskitkeç ide, keşelär belän urtaqlaşırğa kiräkle möhim äyber buluın añlağan idem,”-di êztabar. Ul teşlärneñ bozılmağan buluın kürep şaqqata. “Bik ütkennär. Äyterseñ 25 million yıllıq tügel, ä akulanıñ awızınnan yana ğına töşep qalğan,”-di Filip Mullali.

Muzey belgeçläre teş tabılğan urında qazu êşläre alıp bara. Anda akulanıñ 45 teşen häm umırtqa kisägen tabalar. Viktoriya muzeylar idaräçese Êrix Fitśjeral’d bu tabıldıqlarnıñ bik ähämiyätle buluın assızıqlıy. “Avstraliyädä 160 yıldır tabılğan fosillär arasında bu törneñ teşlär törkeme täwge tapqır kürelde häm böten dön’yada alar 3äy genä,”-di belgeç.  

Akulalarnıñ älege töre 25 million yıl êlek kitlarnı aşap yäşägän häm iñ zur yırtqıçlardan berse bulğan.

Tabılğan teşlär Mel’burn muzeenda kürgäzmägä quyılaçaq.