1 ğasır êlek Tön’yaq Qotıpqa çığıp kitkän köymä kire qayttı

Norvegiyäle tikşerenüçe Roal’d Amundsennıñ 100 yıl êlek Tön’yaq Qotıpnı öyränü öçen yulğa çıqqan köymäse 1 ğasırdan soñ ilenä kire qayttı. “Maud” köymäse Kanada tiräsendä batqan ide. Anı inde küptän Norvegiyägä alıp qaytırğa telägännär.

Amundsen bu köymäne 1918nçe häm 1920nçe yıllar arasında Tön’yaq-könçığış kiçeşenä taba diñgezgä çığu öçen qullanğan. Maqsatı annan Tön’yaq Qotıbına säfären tögälläw bula, ämma tormışqa aşmıy.

Köymä 1930nçı yıllarda, äle batqançı, AQŞ şirkäte “Gudzons Bay Kompani”ğa satıla. Soñınnan küpmeder waqıt radiostanśiyä häm kelät bularaq qullanıla.

1990nçı yılllarda Norvegiyäneñ ber cirle xakimiyäte “Maud”nı barı tik 1 dollarğa satıp alıp ilenä alıp qaytırğa röxsät yasattı. Ämma yulğa quzğalğançı röxsätneñ waqıtı tuldı.

Kön’yaq Qotıbına berençelärdän bulıp barıp citkän häm Tön’yaq-könçığış kiçeşen täwge tapqır başınnan axırına qadär ütkän tikşerenüçe Amundsennıñ qayçandır citäklägän köymäse “Maud”, nihayät’, 1 ğasırdan soñ Norvegiyägä kire qayttı. Tarixi korabnıñ soñğı diñgez yulçılığı 45 kön däwam itte.