Safranboluğa qızıqsınu zur

Karabük vilayäteneň Safranbolu ilçäsenä Yıraq Könçığıştan qızıqsınu zur.

BMOnıň YUNESKO Dönya mirası isemlegendä urın aluçı häm “İň yaxşı saqlanğan 20 şähär” arasında bulğan Safranbolu Yıraq Könçığıştan meňnärçä turistnı qabul itä.

Ğosmanlı arxitekturası, şähär tormışı häm mädäniyäten çağıldırğanı öçen “Ğosmanlınıň barmaq êze” dip ataluçı, ul çordan qalğan munça, yortlar, çişmä, mäçet häm küperläre belän muzeyğa oxşağan Safranboluğa yılnıň berençe yartısında yaqınça 80 meň çit il turistı kilde.

İncekaya tarixi küpere, Törkiyäneň iň ozın mäğarälärennän berse bulğan Mäncilis mäğaräse, pıyala terrassası, kan’onnarı häm tabiğate belän dä turizmnıň üzenä cälep itüçe urınnarınnan berse bulğan tarixi ilçä berençe 6 ayda 53 meň dä cirle turistnı qabul itte.

Tarixi ilçägä 6 ayda iň küp turist kilgän 10 il tübändägelär: Qıtay, Tayvan’, Amerika, İndoneziya, Yaponiya, Malayziya, Tayland, Angliya, Germaniya häm Rusiyä Federaŝiyase.

Safranboluğa berençe yartıyıllıqta 56 ildän turist kilde.