Êşlägän öçen büläk – İstanbulğa säyäxät

Hidstanlı êşmäkär, dollard milliarderı 3 meñ 500 xezmätkärenä İstanbulğa säyäxät büläk itte. Alarğa, şulay uq, säfär waqıtında qullanu öçen 1 million dollar aqça öläşäçäk. Qunaqlarnı qabul itü öçen İstanbulnıñ küp sanda otele arendalandı. Aralarında şähärneñ iñ qıymmätle 10 otele dä bar. Hindstannan kilgän törkemne gizderü öçen Törkiyä säyäxät agentlıqları berlegenä möräcäğat’ itkännär. Mädäniyät häm turizm ministrlığı belän İstanbul turizm cämğıyätennän dä yärdäm sorağannar.    

3 meñ 500 keşelek törkemne bu ay êçendä kötälär. Oyışmanıñ 350 yuğarı däräcäle idaräçe isä İstanbulğa 20 ildän kilä. Çönki şirkätneñ cir şarınıñ törle poçmaqlarında filialları bar. Qunaqlar İstanbulda Topqapı sarayı häm Ayasofiya şikelle bik küp tarixi urınnarnı küräçäk. Bosforda alar maxsus köymälär belän yözäçäk.  

Hindstan milliarderınıñ 12 milliard dollarğa yaqın mal-mölkäte bar. Forbs yazğança, ul xezmätkärlärneñ ber atnalıq İstanbul yalı öçen 10 million dollar ayırıp quyğan.