Mäskäwdä Törkiyä kürgäzmäse

“Törkiyӓdӓge tormıştan lӓzzӓt al” isemle fotorӓsem kürgӓzmӓse açıldı

987328
Mäskäwdä Törkiyä kürgäzmäse

Rusiyӓ başqalası Mӓskӓwdӓge Gor’kiy parkında Törek hawa yulları hӓm “National Geographic Traveler” jurnalı xezmӓttӓşlege belӓn ӓzerlӓngӓn “Törkiyӓdӓge tormıştan lӓzzӓt al” isemle fotorӓsem kürgӓzmӓse açıldı.

Törkiyӓneň Mӓskӓwdӓge ilçese Xösӓyen Diriöz açılışta yasağan çığışında Törek hawa yullarınıň Rusiyӓ belӓn Törkiyӓ arasındağı duslıq küperen nığıtunı dӓwam itterüenӓ işarӓt itep: “Mӓskӓw kebek matur şӓhӓrneň bu tanılğan parkında Törkiyӓbezneň tanıtıluı belӓn ğorurlanabız,” – dide.

Törek hawa yullarınıň Rusiyӓ Federaŝiyasendӓge ğomüm mödire Mefail Dӓribaş ta Törek hawa yullarınıň Rusiyӓdӓ iň küp şӓhӓrgӓ oçuçı çit il hawa yulı şirkӓte buluın xӓterlӓtep: “İlebez hӓm anıň qimmӓtlӓreneň tanıtıluına zur ӓhӓmiyӓt birӓbez. Dönya kuboğı FIFA 2018 çorına turı kiterep, Mӓskӓwneň üzӓgendӓ açılğan bu kürgӓzmӓ belӓn Rusiyӓ watandaşlarına ğına tügel, ӓ dönyanıň hӓr poçmağınnan kilüçe çit il keşelӓrenӓ dӓ Törkiyӓne tanu mömkinlegen tӓqdim itӓbez,” – dide.

Törek tatlı rizıqları hӓm törek muzıkası da urın alğan kürgӓzmӓ 20 iyul’ könenӓ qadӓr baraçaq.



Bäyläneşle xäbärlär