İtaliyada törek cırçısı Läylä Gäncär kürgäzmäse

İtaliyanıñ Milan şähärendä “Törek divası” bularaq tanılğan dön’yaküläm mäşxür  soprano häm däwlät sänğat’çese Läylä Gäncärnıñ ülemenä 10 yıl tulunı iskä aldılar. La Skala teatrı häm akademiyäse fotoräsem kürgäzmäse oyıştırdı. Anıñ açılışında bik küp sänğat’ söyüçe qatnaştı. Tantanada Törkiyäneñ Rimdağı ilçese Murat Salim Äsänle çığış yasadı. Ul Läylä Gäncärneñ iñ yaratqan urını häm ähämiyätle rollären uynağan La Skala teatrında cırçığa bağışlanğan çarada qatnaşuına söyenüen belderde. Äsänle xalıqara “Läylä Gäncär tawış yarışı”nıñ bıyıl 9nçı tapqır ütäçägen dä telgä aldı. Açılışta, şulay uq, La Skala citäkçese Maria Di Freda qatnaştı.

Kürgäzmä 13nçe maydan başlap 16nçı sentyabr’gä qadär êşläyäçäk. Anda çornıñ soñğı divası häm kamillekneñ gäwdäleneşe Läylä Gäncärneñ arxivtağı fotoräsemnäre häm videoyazmaları urın ala. Monnan tış, 14nçe may könne La Skala teatrında cırçınıñ istälegenä konśert oyıştırılaçaq.