Çit il rässamnarı küzlegennän Törkiyä.

Çit il rässamnarı küzlegennän Törkiyä. İstanbulda “Güzäl Törkiyäm” kürgäzmäse açıldı. Xalıqara sänğat’ proyıktı qısalarında oyıştırılğan çarada 10 rässam üzeneñ êşläre belän tanıştırdı. Alarnıñ 9ı çit ilneke. Sänğat’ ähelläre üz äsärlärendä Törkiyäneñ tarixi häm mädäni baylıqların yaqtırta.  Ukrainalı rässam Êlvira Yakovçik, mäsälän, bu ilga berençe kilüendä ük mondağı maturlıqqa tañ qaluın söyli. Şunnan soñ “Güzäl Törkiyäm” kürgäzmäsen açu fikere tuğan. Rässam monnan 4 yıl êlek Ukrainanıñ Doneśk şähärennän kilgän. Aña Törkiyädä, ayıruça, keşelär häm arxitektura täêsir itä. Êlvira Yakovçik mondağı xalıqnıñ dustanä häm cılı qanlı buluın assızıqlıy. “İstanbulnıñ häm ilneñ arxitekturası, tarixi qorılışı, öslege häm ruxı ğacäyep matur. İstanbulğa ğaşıyq buldım. Tabiğat’ iskitkeç. İzmir, Marmaris, Datça, Bodrum, Bursa häm Çanakkalä şikelle şähärlärdä buldım. Andağı ruxnı bik oşattım. Êşläremdäge töp fiker dä – iskene häm yañanı berläşterü,”-di rässam. Kürgäzmädä Ukrainadan tış, Belarus’, Rusiyä, Kosovo, Qazaqstan, Makedoniya, Angliya, Azärbaycan häm Törkiyä sänğat’çeläreneñ räsemnäre urın alğan.

Çara Soltanäxmättä 15nçe mayğa qadär açıq.