Dön’yanıñ iñ zur lalä keläme İstanbulda
565 meñ lalädän toruçı 1734 kvadrat metrlı lalä kelämeneñ hawadan töşerelgän videosı xäyran qaldırdı
949834

Dön’yanıñ iñ zur lalä keläme İstanbulnıñ möhim simvolı Soltanähmät mäydanında tamaşağa açıldı. Şähär xakimiyäte 13nçe Lalä festivale qısalarında qalanıñ här ciren çäçäkkä kümde.
565 meñ lalädän toruçı 1734 kvadrat metrlı lalä kelämeneñ hawadan töşerelgän videosı xäyran qaldırdı. Çäçäklärgä İstanbulnıñ tarixi yarımutrawı manzarası da quşılğaç, küreneş küz yawın alırlıq buldı.
Lalä keläme, yasalğanda uq, şähär xalqı häm qunaqlarnıñ iğ’tibarın cälep itte. Ul cete tösläre belän şähärgä yäm’ birde.