Törkiyädä turizmnıñ “altın yılı”

Törkiyä  - turistlarnı iñ küp cälep itüçe illär isemlegendä 6nçı urında

945396
Törkiyädä turizmnıñ “altın yılı”

2018 - Törkiyä turizmınıñ “altın yılı” bulır dip farazlana. Bu xaqta Mädäniyät häm turizm ministrı urınbasarı Xösäyen Yayman belderde. Ul Kön’yaq-Könçığış Awrupa däwlätläre Mädäniyät ministrları konferenśiyäsendä qatnaşu öçen Bosno häm Herśegovina başqalası Sarayıvoğa kilde.

 Xösäyen Yayman Törkiyädä turizmnıñ üseştä buluın assızıqlıy. Xäzerge waqıtta yal itärgä kilü öçen aldan urın ayırıp quyuçılar sanı 2014nçe yıldağıdan kübräk. Törkiyä  - turistlarnı iñ küp cälep itüçe illär isemlegendä 6nçı urında. Bu diñgezdäge yal belän genä bäyle tügel. Törkiyä tiñsez tabiğate häm tarixi urınnarı belän cälep itä. Yuqqa ğına anı “dön’yanıñ açıq hawadağı iñ zur muzeyı” dimilär.

Yayman Törkiyäneñ bik küp śivilizaśiyälär bişege ikänen xäterlätä: friglar, lidiyalılar, xettlar, rimlılar, sälcuqlılar, farsılar häm ğosmanlılar bu cirlektä üz êzen qaldırğan. Bu, älbättä, dön’ya tarixı, mädäniyäte häm turizmında Törkiyäneñ üzençälekle urını barlığın kürsätä.

İlbaşı Räcäp Tayyip Ärdoğan turizm tarmağına maqsat quydı. “Cömhüriyätneñ 100 yıllığına 50 million turist, 50 milliard kerem kötäbez”,- dide Xösäyen Yayman. Bu maqsat öçen äle bik küp êşlärgä kiräklegenä dä basım yasadı. Mädäniyät häm turizm ministrı urınbasarı bu yılnıñ “Truva yılı” buluın xäterlätte. Ul bu xikäyäne böten dön’yağa tağın ber tapqır söyläyäçäklären belderde.



Bäyläneşle xäbärlär