200 yıllıq xamamnı narkomannardan qotqardılar

 Malatyanıñ Battalğazi rayonındağı 200 yıllıq Taxtalı Xamamınıñ restavraśiyası tögällände häm ul êlekkege kürkäm xälen aldı. Xäzer tarixi bina muzey bularaq turistlarnı cälep itäçäk. Battalğazi cirle xakimiyät başlığı Sälaxetdin Gürkan 19nçı ğasırnıñ berençe yartısında tözelgän xamamnıñ berençel xälenä oxşatıp tözekländerelüen belderde. Monnan tış, Malatyada Battalğazi divarı, Poyraz utarı,  Qanlı Kümbät şikelle küp kenä tarixi qorılmalar yañadan ayaqqa bastırılğan. Sälaxetdin Gürkan bu êşneñ däwam itäçägenä ışandıra. “Töbäktäge tarixi qorılmalarnıñ 90 %ın tözekländerdek. Taxtalı Xamamı bezneñ qul astına küçkändä bik naçar xäldä, narkomannarnıñ cıyılu urınına äwerelgän ide. Mäxällädä yäşäwçelärgä borcu tudıra torğan cir bulğan. Xamamnı däwlätkä alu öçen dokumentlar xäzerlädek häm röxsät alıp êşkä kereştek”,- di çirle xakimiyät başlığı.